ایف آئی اے اور این سی سی آئی اے نے مشترکہ کارروائی کرتے ہوئے اسلام آباد کے سیکٹر آئی-10/3 میں غیرقانونی کال سینٹر چلانے والے 275 غیر ملکیوں کو گرفتار کرلیا۔
ایف آئی اے کے مطابق گرفتار افراد سیاحتی اور بزنس ویزوں پر پاکستان آئے تھے۔ ملزمان کے خلاف فارن ایکٹ اور پیکا ایکٹ کے تحت مقدمات درج کرلیے گئے ہیں۔
حکام کے مطابق گرفتار غیرملکیوں میں سے 76 افراد کو فوری طور پر ملک بدر کرنے کا فیصلہ کیا گیا ہے، جن کے ایگزٹ پرمٹ کی تیاری شروع کردی گئی ہے۔
حکام کا کہنا ہے کہ غیرقانونی سرگرمیوں میں ملوث عناصر کے خلاف کارروائیاں جاری رکھی جائیں گی۔