پاکستان کے صنعتی شہر گوجرانوالہ میں بجلی کی تقسیم کار کمپنی گیپکو کی نجکاری کے لیے ملکی و غیر ملکی کمپنیوں کے درمیان مقابلہ ہوگا۔
نجکاری کمیشن کو گیپکو خریدنے کے لیے 11 ملکی و غیر ملکی اداروں کی جانب سے اظہارِ دلچسپی کی درخواستیں موصول ہوگئی ہیں۔
ذرائع کے مطابق گیپکو کی نجکاری میں انتظامی کنٹرول کے ساتھ کمپنی کے 51 سے 100 فیصد شیئرز فروخت کیے جائیں گے۔ درخواستیں جمع کرانے والوں میں 7 پاکستانی، 3 ترک اور ایک سعودی کمپنی شامل ہے۔
کے الیکٹرک، اینگرو انرجی، سیفائر فائبرز، حب پاور ہولڈنگز، لکی سیمنٹ اور شیرازی انویسٹمنٹ سمیت مختلف کمپنیوں نے گیپکو کی نجکاری میں دلچسپی ظاہر کی ہے۔