راولپنڈی میں قتل ہونے والی 45 سالہ حنا جاوید پر مبینہ طور پر بدترین تشدد کیے جانے کی تصدیق ہوگئی ہے۔ مقتولہ کی پوسٹ مارٹم رپورٹ سامنے آگئی، جس میں جسم پر شدید نوعیت کے زخموں کی نشاندہی کی گئی ہے۔
پوسٹ مارٹم رپورٹ کے مطابق حنا جاوید کی گردن کی ہڈی ٹوٹی ہوئی پائی گئی، جبکہ پسلیوں اور کولہے کی ہڈی پر بھی شدید چوٹوں کے نشانات موجود تھے۔
رپورٹ میں جسم پر پائے جانے والے زخموں کی تفصیلات بھی درج کی گئی ہیں، جن سے مقتولہ کو شدید جسمانی تشدد کا نشانہ بنائے جانے کا انکشاف ہوتا ہے۔
واقعے کی تحقیقات جاری ہیں، جبکہ پولیس پوسٹ مارٹم رپورٹ سمیت دیگر شواہد کی روشنی میں قتل کے محرکات اور ذمہ داروں کا تعین کرنے کی کوشش کر رہی ہے۔