کے-الیکٹرک نے 12 ربیع الاول کے مبارک موقع پر کراچی کے مخصوص علاقوں کے لیے بجلی کی فراہمی سے متعلق اہم اعلان کیا ہے۔
ترجمان کے-الیکٹرک کے مطابق شہر بھر کے 2100 فیڈرز میں سے 355 فیڈرز کو اس روز لوڈشیڈنگ سے مکمل استثنیٰ حاصل ہوگا، جن میں وہ تمام فیڈرز شامل ہیں جہاں مذہبی اجتماعات، محافل اور جلوسوں کا انعقاد کیا جائے گا۔
ترجمان نے مزید بتایا کہ ہائی لاسز والے علاقوں سے تعلق رکھنے والے فیڈرز پر بھی 12 ربیع الاول کے دن بجلی کی فراہمی معطل نہیں کی جائے گی، جبکہ مخصوص علاقوں کے علاوہ باقی شہر میں حسبِ معمول روٹین کی لوڈشیڈنگ جاری رہے گی۔
کسی بھی تکنیکی یا مقامی فالٹ کی بروقت درستگی کو یقینی بنانے کے لیے فیلڈ عملہ ہر وقت موجود رہے گا۔