محکمہ تعلیم سندھ نے طلبہ کی ڈیجیٹل حاضری اور مانیٹرنگ کا نظام 3 ہزار 481 سرکاری اسکولوں تک وسیع کردیا ہے۔
نئے نظام کے تحت ہر طالب علم کا ڈیجیٹل پروفائل بنایا جائے گا جس میں حاضری، تعلیمی کارکردگی اور امتحانات کا ریکارڈ محفوظ ہوگا۔ مسلسل غیر حاضری کی صورت میں والدین کو ایس ایم ایس الرٹس بھی بھیجے جائیں گے۔
محکمہ تعلیم کے مطابق اپریل 2027 تک سندھ کے تمام سرکاری اسکولوں کو ڈیجیٹل نظام کا حصہ بنانے کا ہدف مقرر کیا گیا ہے۔ نظام میں منفرد اسٹوڈنٹ آئی ڈی، کیو آر کوڈ، جیو فینسڈ حاضری اور فیشل ریکگنیشن سمیت آف لائن حاضری کی سہولت بھی شامل ہے۔