پاکستان اسٹاک ایکسچینج میں کاروبار کے دوسرے روز بھی مثبت اختتام ہوا، ہنڈریڈ انڈیکس 249 پوائنٹس اضافے سے 171,402 پوائنٹس پر بند ہوگیا۔
مارکیٹ میں کاروبار کا آغاز 219 پوائنٹس کی تیزی سے ہوا، دورانِ ٹریڈنگ ہنڈریڈ انڈیکس میں 527 پوائنٹس کی تیزی اور 286 پوائنٹس کی مندی بھی دیکھی گئی۔
اسٹاک تجزیہ کاروں کے مطابق آج بھی مارکیٹ میں اتار چڑھاؤ کا رجحان برقرار رہا، تاہم عالمی منڈی میں تیل کی قیمتوں میں کمی سے سرمایہ کاروں کی تشویش کم ہوئی۔
تجزیہ کاروں کے مطابق جماعت اسلامی کی جانب سے دھرنا مؤخر کرنے کے اعلان سے بھی مارکیٹ کے جذبات پر مثبت اثر پڑا جبکہ انرجی، سیمنٹ اور آئل ایکسپلوریشن کمپنیوں کے شیئرز میں خریداری دیکھی گئی۔