کراچی ایکسپو سینٹر میں ایس آئی ایف سی کے تعاون سے منعقد ہونے والی 28ویں آئی ٹی سی این ایشیا نمائش اختتام پذیر ہوگئی۔
تین روزہ نمائش کے دوران 75 سے زائد مفاہمتی یادداشتوں، معاہدوں اور کاروباری وعدوں کے تحت 55 کروڑ ڈالر سے زائد کی کاروباری سرگرمیاں سامنے آئیں۔ منتظمین کے مطابق یہ پیش رفت پاکستان کے ٹیکنالوجی شعبے پر مقامی و بین الاقوامی اعتماد کی عکاسی کرتی ہے۔
نمائش میں مصنوعی ذہانت، سائبر سیکیورٹی، ڈیجیٹل تبدیلی، سرمایہ کاری اور کاروباری جدت سمیت مختلف موضوعات پر کانفرنسز ہوئیں جبکہ مصنوعات کی نمائش، کاروباری ملاقاتیں اور نیٹ ورکنگ بھی جاری رہی۔
کراچی ایڈیشن کے بعد 29ویں آئی ٹی سی این ایشیا نمائش 29 سے 31 جنوری 2027 کو ایکسپو سینٹر لاہور میں منعقد ہوگی۔