ایف پی سی سی آئی میں آسان ٹیکس اسکیم کے حوالے سے سیمینار ہوا جس میں تاجر برادری نے اسکیم کی حمایت کا اعلان کیا۔
صدر ایف پی سی سی آئی عاطف اکرام شیخ کے مطابق تاجروں کو سالانہ صرف 25 ہزار روپے فکسڈ ٹیکس دینا ہوگا جبکہ کاروباری مقام پر ٹیکس دہندہ کی پلیٹ لگائی جائے گی جس کے بعد تاجر کو غیر ضروری طور پر تنگ نہیں کیا جاسکے گا۔
سینیئر نائب صدر ثاقب فیاض مگوں نے کہا کہ 25 ہزار روپے کا فکسڈ ٹیکس تاجروں کے حق میں ہے جبکہ اس کے علاوہ صرف ٹرن اوور کا ایک فیصد ٹیکس ادا کرنا ہوگا۔
ایف بی آر کے چیف کمشنر قاضی حفظ الرحمن نے کہا کہ آسان ٹیکس اسکیم کو حکومت پاکستان کی گارنٹی حاصل ہے۔