امریکی ریاست آرکنساس میں ایک شخص نے کھدائی کے دوران 6.03 قیراط کا ہیرا دریافت کرلیا، جس کی ممکنہ مالیت لاکھوں ڈالر بتائی جارہی ہے۔
جیک پیراڈن گزشتہ 12 برس سے شوقیہ طور پر قیمتی پتھروں کی تلاش کر رہے ہیں۔ انہوں نے یہ نایاب ہیرا کریٹر آف ڈائمنڈز اسٹیٹ پارک میں ایک دوست کے ساتھ کھدائی کے دوران دریافت کیا۔
پیراڈن اس وقت اپنی تلاش کو ٹک ٹاک پر لائیو نشر کر رہے تھے جب بجری سے بھری بالٹی دھونے کے بعد انہیں چمکتا ہوا ہیرا نظر آیا اور وہ خوشی سے چیخ اٹھے۔
تقریباً ایک ناخن کے برابر یہ ہیرا رواں سال پارک سے ملنے والا سب سے بڑا ہیرا بتایا گیا ہے۔ بعض ماہرین اور کلیکٹرز کے مطابق اس کی قیمت 10 لاکھ ڈالر سے زائد ہوسکتی ہے، جبکہ ایک ماہرِ قدر نے اسی حجم اور معیار کے ہیرے کی مالیت تقریباً 2 لاکھ 50 ہزار ڈالر بتائی ہے۔