پاکستان اسٹاک ایکسچینج میں اتار چڑھاؤ کے بعد کاروبار کا اختتام مثبت زون میں ہوا، تاہم آخری گھنٹے میں فروخت کے دباؤ سے مارکیٹ کی تیزی بڑی حد تک زائل ہوگئی۔
کاروبار کے آغاز پر ہنڈریڈ انڈیکس میں 377 پوائنٹس کی تیزی ہوئی، دورانِ ٹریڈنگ انڈیکس 812 پوائنٹس تک بڑھا جبکہ 394 پوائنٹس کی کمی بھی دیکھی گئی۔ 169 ہزار پوائنٹس کی سطح بحال ہونے کے باوجود برقرار نہ رہ سکی۔
کاروبار کے اختتام پر ہنڈریڈ انڈیکس 120 پوائنٹس اضافے سے 168,580 پوائنٹس پر بند ہوا۔ بروکرز کے مطابق سیاسی اور جغرافیائی صورتحال کے باعث سرمایہ کاروں نے پرافٹ ٹیکنگ کرکے محتاط رویہ اختیار کیا۔