بیرون ملک مقیم پاکستانیوں کی جانب سے ترسیلات زر کی آمد میں اضافہ برقرار ہے، ستمبر میں 3 ارب 60 کروڑ ڈالر پاکستان بھیجے گئے، جبکہ رواں مالی سال کی پہلی سہ ماہی میں مجموعی ترسیلات زر 10 ارب 90 کروڑ ڈالر تک پہنچ گئیں۔
اسٹیٹ بینک کے جاری کردہ اعداد و شمار کے مطابق ستمبر میں ترسیلات زر میں ماہانہ 2 فیصد اور سالانہ 12 فیصد اضافہ ریکارڈ کیا گیا، جبکہ جولائی سے ستمبر کے دوران سالانہ بنیاد پر 14 فیصد اضافہ ہوا۔
ستمبر میں سعودی عرب میں مقیم پاکستانیوں نے 90 کروڑ ڈالر بھیج کر سرفہرست رہے۔ متحدہ عرب امارات سے 75 کروڑ، برطانیہ سے 52 کروڑ اور امریکا سے 30 کروڑ ڈالر پاکستان موصول ہوئے۔