لاہور کے علاقے جوہر ٹاؤن میں ایک آن لائن بائیک رائیڈر کی مبینہ نازیبا حرکت پر خاتون نے چلتی موٹر سائیکل سے چھلانگ لگا دی۔
17 اکتوبر کو پیش آنے والے اس واقعے کی سی سی ٹی وی فوٹیج میں دیکھا جا سکتا ہے کہ خاتون نے چلتی موٹرسائیکل سے چھلانگ لگائی، جس سے وہ سڑک پر گر کر زخمی ہوگئیں۔
چھلانگ لگانے کے باعث خاتون کے منہ، ناک، گلے اور سر پر شدید چوٹیں آئیں، جبکہ حادثے کے فوراً بعد بائیک رائیڈر موقع سے فرار ہوگیا۔
خاتون کے مطابق انہوں نے سفر کے لیے آن لائن رائیڈ بک کروائی تھی جس کے دوران رائیڈر نے نازیبا حرکت کی کوشش کی۔