فیصل آباد کے علاقے ساہیانوالہ میں مبینہ طور پر اغوا کے بعد 2 سالہ بچے کو قتل کردیا گیا، جبکہ اس کا 5 سالہ بھائی ملزم کے چنگل سے بچ نکلنے میں کامیاب ہوگیا۔
پولیس کے مطابق ملزم دونوں بچوں زوہان اور روہان کو کچھ دلانے کا بہانہ کرکے اپنے ساتھ لے گیا اور انہیں نہر پر لے گیا، جہاں مبینہ طور پر چاقو کے وار کرکے 2 سالہ زوہان کو قتل کردیا۔
پولیس کا کہنا ہے کہ ملزم بچوں کی والدہ سے شادی کرنا چاہتا تھا، تاہم خاتون نے کسی اور شخص سے شادی کرلی تھی۔ ابتدائی معلومات کے مطابق اسی رنجش کے باعث واردات کا شبہ ظاہر کیا جارہا ہے۔
پولیس نے ملزم کی گرفتاری کے لیے چھاپے مارنے شروع کردیے ہیں، جبکہ واقعے کی مزید تحقیقات جاری ہیں۔