ہوا بازی کی تاریخ میں نیا ریکارڈ قائم ہوگیا، ایئربس کے جدید طیارے اے 350-1000 یو ایل آر نے آسٹریلیا سے فرانس تک 23 ہزار 155 کلومیٹر کا فاصلہ 24 گھنٹے 24 منٹ میں بغیر رکے طے کرلیا۔
ایئربس کے مطابق یہ پرواز 27 جولائی کو میلبورن سے روانہ ہوئی اور 28 جولائی 2026 کو فرانس کے شہر ٹولوز پہنچی۔ طیارے میں 13 افراد سوار تھے جنہوں نے اس دوران دو مرتبہ سورج کو غروب اور دو مرتبہ طلوع ہوتے دیکھا۔
یہ پرواز کنٹاس کے پراجیکٹ سن رائز کا حصہ تھی، جس کا مقصد سڈنی سے لندن اور نیویارک جیسے طویل روٹس پر براہ راست پروازیں شروع کرنا ہے۔ کنٹاس نے ایسے 12 طیاروں کا آرڈر دے رکھا ہے جبکہ پہلے طیارے کی ڈیلیوری اپریل 2027 میں متوقع ہے۔