حکومت نے عوام کو پیٹرول کی قیمت میں مزید ریلیف دیتے ہوئے فی لیٹر پیٹرول پر پیٹرولیم لیوی میں ایک روپے 65 پیسے کی کمی کردی ہے۔
دستاویزات کے مطابق پیٹرول پر عائد پیٹرولیم لیوی کا بوجھ کم ہوکر 63 روپے 64 پیسے فی لیٹر رہ گیا ہے۔
دستاویزات میں بتایا گیا ہے کہ وفاقی حکومت کی جانب سے پیٹرول کی قیمتوں کا فارمولا تبدیل کرنے کے مثبت اثرات سامنے آرہے ہیں، جس کے تحت صارفین کو پیٹرولیم لیوی میں بھی ریلیف دیا جارہا ہے۔
واضح رہے کہ گزشتہ ایک ہفتے سے پیٹرولیم مصنوعات کی قیمتوں میں مرحلہ وار کمی کا سلسلہ جاری ہے اور اس دوران پیٹرول کی قیمت میں مجموعی طور پر 35 روپے سے زائد کمی کی جاچکی ہے۔