وفاقی حکومت نے بینکوں اور دیگر مالیاتی اداروں کے لیے نقد رقوم کی لین دین رپورٹ کرنے کی حد میں اضافہ کردیا ہے، جس کے تحت اب 2 کروڑ کے بجائے 3 کروڑ روپے یا اس سے زائد کیش ٹرانزیکشنز کی رپورٹ کرنا لازمی ہوگا۔
وزارت خزانہ کی جانب سے اینٹی منی لانڈرنگ ایکٹ کے تحت کرنسی ٹرانزیکشن رپورٹس (سی ٹی آر) کی نئی حد مقرر کرنے کا باضابطہ نوٹیفکیشن جاری کردیا گیا ہے، جس کا اطلاق فوری طور پر ہوگا۔
وزارت خزانہ کی جانب سے اینٹی منی لانڈرنگ ایکٹ کے تحت کرنسی ٹرانزیکشن رپورٹس (سی ٹی آر) کی نئی حد مقرر کرنے کا باضابطہ نوٹیفکیشن جاری
نئے ضوابط کے مطابق بینکوں اور متعلقہ مالیاتی اداروں کو 3 کروڑ روپے یا اس سے زیادہ کی نقد لین دین کی تفصیلات فنانشل مانیٹرنگ یونٹ (ایف ایم یو) کو فراہم کرنا ہوں گی۔
وزارت خزانہ کی جانب سے اینٹی منی لانڈرنگ ایکٹ کے تحت کرنسی ٹرانزیکشن رپورٹس (سی ٹی آر) کی نئی حد مقرر کرنے کا باضابطہ نوٹیفکیشن جاری
نوٹیفکیشن کے مطابق اس تبدیلی کی منظوری نیشنل ایگزیکٹو کمیٹی برائے انسداد منی لانڈرنگ و دہشت گردی کی مالی معاونت نے دی ہے۔ یہ اقدام مشکوک مالی لین دین اور کرنسی ٹرانزیکشن رپورٹس کی نگرانی، جانچ پڑتال اور تجزیے کے حکومتی نظام کو مزید مؤثر بنانے کی پالیسی کا حصہ ہے۔