امریکی ریاست آئیڈاہو سے تعلق رکھنے والے ڈیوڈ رش نے باکسنگ گلوز پہن کر بھاری میڈیسن بال اچھالنے اور پکڑنے کا نیا گنیز ورلڈ ریکارڈ قائم کرلیا۔
ڈیوڈ رش نے اپنے ساتھی کرس اسٹمف کے ساتھ ایک منٹ میں 5 کلو وزنی میڈیسن بال 16.4 فٹ کے فاصلے سے اچھال کر پکڑنے کا مظاہرہ کیا اور سابقہ 32 کیچز کا ریکارڈ توڑ دیا۔
ڈیوڈ رش کے مطابق بڑے اور بغیر گرفت والے باکسنگ گلوز پہن کر بھاری گیند کو بار بار پکڑنا انتہائی مشکل تجربہ تھا۔ 200 سے زائد عالمی ریکارڈ رکھنے والے ڈیوڈ رش اس سے قبل بھی کئی منفرد کارنامے انجام دے چکے ہیں۔