سر پر صرف ایک بال والا گاہک، حجام کی زبردست سروس وائرل

image

چین میں ایک حجام کا منفرد انداز سوشل میڈیا پر لوگوں کی توجہ کا مرکز بن گیا، جہاں صرف ایک بال رکھنے والے شخص کو بھی سیلون کی تمام سہولتیں فراہم کی گئیں۔

لاؤ چیاؤ نامی حجام کی دکان پر ایک درمیانی عمر کا شخص بال بنوانے پہنچا، جس کے سر پر محض ایک بال موجود تھا۔ اس غیر معمولی صورتحال کے باوجود حجام نے اپنا کام پوری سنجیدگی سے انجام دیا۔ اس نے گاہک کا سر شیمپو سے دھویا، کنڈیشنر لگایا اور مالش بھی کی۔

واقعے کی ویڈیو انٹرنیٹ پر سامنے آئی تو صارفین نے حجام کے رویے کو خوب سراہا۔ کئی لوگوں کے لیے یہ منظر دلچسپ تھا، جبکہ دیگر نے اسے پیشہ ورانہ ذمہ داری کی ایک اچھی مثال قرار دیا۔

اس واقعے کی خاص بات یہ ہے کہ حجام نے گاہک کی ظاہری حالت کے بجائے اپنی خدمات کو اہمیت دی اور اسے وہی توجہ دی جو کسی دوسرے شخص کو دی جاتی ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US