بلوچستان کے ضلع بولان کی تحصیل ڈھاڈر کے علاقے مشکاف کے قریب سے دو نامعلوم افراد کی لاشیں ملی ہیں، جن کی تاحال شناخت نہیں ہوسکی۔
پولیس ذرائع کے مطابق مقامی افراد کی اطلاع پر پولیس اور انتظامی حکام فوری طور پر جائے وقوعہ پر پہنچ گئے اور علاقے کو گھیرے میں لے کر شواہد جمع کیے۔
حکام کے مطابق دونوں لاشوں کو ضروری قانونی کارروائی اور شناخت کے لیے قریبی اسپتال منتقل کردیا گیا ہے۔
پولیس نے واقعے کی تحقیقات شروع کردی ہیں تاکہ دونوں افراد کی شناخت اور موت کی وجوہات کا تعین کیا جاسکے، تاہم فوری طور پر واقعے سے متعلق مزید تفصیلات سامنے نہیں آسکیں۔