پاکستان میں امن و امان کا برطانیہ نے اعتراف کرلیا: ٹریول ایڈوائزری تبدیل کردی

اسلام آباد: وزیر خارجہ مخدوم شاہ محمود قریشی نے برطانوی ٹریول ایڈوائزری میں تبدیلی کو بڑی پیشرفت قراردیتے ہوئے کہا ہے کہ اس کا کریڈٹ عوام اور پاکستان کی مسلح افواج کو جاتا ہے۔

ہم نیوز کے مطابق انہوں نے جاری کردہ بیان میں امید ظاہر کی ہے کہ سعودی عرب، ترکی اور ملائیشیا بھی سیاحت کے فروغ میں پاکستان کی مدد کریں گے۔

برطانیہ کے پاکستان میں متعین ہائی کمشنر کرسچین ٹرنر نے سماجی رابطوں کی ویب سائٹ ٹوئٹر پر جاری کردہ اپنے پیغام میں کہا ہے کہ پاکستان میں امن و امان کی بہتر صورتحال کے پیش نظر برطانیہ نے اپنے شہریوں کے لیے ٹریول ایڈوائزری تبدیل کردی ہے۔

اپنے ویڈیو پیغام میں انہوں نے کہا ہے کہ نئی ٹریول ایڈوائزری میں برطانوی شہریوں کے لیے پاکستان کے شمالی علاقوں کا سفر محفوظ قرار دیا گیا ہے۔

UK changes travel advice to 🇵🇰 https://t.co/MjGrmsPON9cc @sayedzbukhari @SMQureshiPTI @ZakariaNafees @ukinpakistan

— Christian Turner (@CTurnerFCO) January 24, 2020

ہم نیوز کے مطابق مخدوم شاہ محمود قریشی نے مؤقف اپنایا ہے کہ ایف اے ٹی ایف میں ہمارا کیس میرٹ پر دیکھا گیا تو پاکستان گرے لسٹ سے نکل جائے گا۔

‘برطانیہ اور پاکستان ملکر بدعنوان عناصر سے وصولیاں کر سکتے ہیں‘

دفتر خارجہ نے بھی برطانوی شہریوں کے لیے ٹریول ایڈوائزری میں تبدیلی کو مثبت قرارد یتے ہوئے اس کا خیرمقدم کیا ہے۔ ترجمان دفتر خارجہ کے مطابق پاکستانی حکومت اور عوام سفری ہدایات میں تبدیلی پر برطانوی حکومت کے شکر گزار ہیں۔

ہم نیوز کے مطابق ترجمان کا کہنا ہے کہ برطانوی شہریوں کے پاکستان کےسفر سے دو طرفہ تعلقات مزید مستحکم ہوں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.