پی ٹی اے نے چوری شدہ موبائل فونز بلاک کرنے کیلئے خود کار نظام متعارف کرادیا

پی ٹی اے نے گمشدہ، چوری شدہ اور چھینے گئے موبائل فونز کو بلاک کرنے کے لئے نئے خود کار گمشدہ اور چوری شدہ ڈیوائس سسٹم (ایل ایس ڈی ایس) کا آغاز کردیا ہے۔

ترجمان پاکستان ٹیلی کمیونیکیشن اتھارٹی کا کہنا ہے کہ یہ نظام ان صارفین کے لئے مددگار ثابت ہوگا جو موبائل فون چوری ہونے، چھینے جانے یا گم ہو جانے کی صورت میں اسے بلاک کرانا چاہتے ہیں۔

انہوں نے کہا کہ صارفین اپنے موبائل کے ممکنہ غلط استعمال کو روکنے کے لئے ایسے فون سیٹ کے آئی ایم ای آئی بلاک کرانے کے لئے پی ٹی اے کو درخواست دے سکتے ہیں۔

ترجمان کے مطابق ایل ایس ڈی ایس کا خودکار نظام پی ٹی اے کی ڈیوائس آئی ڈی آئی آر بی ایس کے ساتھ مربوط ہے، چوری شدہ موبائل فون شکایت کے اندراج کے بعد ضروری تصدیق کے بعد 24 گھنٹوں کے اندر بلاک کردیا جائے گا۔

انہوں نے مزید کہا کہ اس سلسلے میں صارفین پی ٹی اے ویب سائٹ پر موجود آن لائن کمپلینٹ مینجمنٹ سسٹم سے درخواست دے سکتے ہیں۔

ترجمان نے مزید بتایا کہ گمشدہ فون مل جانے کی صورت میں شکایت کنندہ کو سی ایم ایس کے ذریعہ ان بلاکنگ کے لئے بھی اسی طریقہ کار پر عمل کرنا ہوگا اور شکایتی حوالہ نمبر کے ساتھ دیگر لازمی تفصیلات بھی فراہم کرنی ہوں گی جو انہوں نے موبائل فون بلاک کرتے وقت فراہم کی تھیں۔ موبائل فون ان بلاک ہوجانے کے بعد صارف کو فراہم کردہ نمبر پر ایک ایس ایم ایس موصول ہوگا۔

-->


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

277