ارتھ آور کی انوکھی تعریف: پنجاب کے وزیر کی ویڈیو وائرل ہو گئی

لاہور: پنجاب کے وزیر ثقافت اور کالونیز میاں خیال احمد کاسترو نے ’ارتھ آور‘ کی تعریف کی تو وہ سماجی رابطوں کی ویب سائٹس پر وائرل ہو گئی۔

یاد رہے کہ پوری دنیا کی طرح پاکستان میں بھی 22 اپریل کو ارتھ ڈے (یوم ارض) منایا جا رہا ہے۔

اس موقع پر دنیا کے مختلف افراد اپنے اپنے انداز اور طریقے سے ارتھ ڈے کی تعریف کر رہے ہیں اور اس کی اہمیت اجاگرکرکے لوگوں میں شعور پید اکرنے کی کوشش کر رہے ہیں۔

مختلف شعبہ ہائے زندگی سے وابستہ لوگوں کی بڑی تعداد اس بات کی اہمیت بتانے کی کوشش کر رہی ہے کہ ماحول کو کس طرح کے خطرات درپیش ہیں؟ اور محفوظ و انسان دوست ماحول کی کیا اہمیت ہے؟

ایسے میں وزیراعلیٰ پنجاب عثمان بزدار کی کابینہ کے رکن اور صوبائی وزیر برائے ثقافت اور کالونیز میاں خیال احمد کاسترو کی ویڈیو وائرل ہوئی ہے جس پر لوگوں کی بڑی تعداد ریمارکس دے رہی ہے۔ تاحال یہ واضح نہیں ہے کہ ویڈیو نئی ہے یا پرانی؟

What is earth hour ?

دنیا میں جہاں بھی ارتھ آتا ہے اس کو صرف درخت روک سکتے ہیں اس کو ارتھ آور کہتے ہیں۔ صوبائی وزیر خیال احمد کاسترو۔👇🏼 pic.twitter.com/LztbnFnu1c

— Rai Saqib KharaL (@iRaiSaqib) April 22, 2021

خلیجی اخبار اردو نیوز کے مطابق صوبائی وزیر اپنے مختصر ویڈیو میں بتا رہے ہیں کہ ارتھ آور یہ ہے کہ دنیا میں کہیں بھی ارتھ آتا ہے تو اسے روکنے کے لیے سبزہ کام کرتا ہے، درخت کام کرتے ہیں۔ آپ کے ہر ارتھ کو روکتے ہیں، ہر زلزلے کو روکتے ہیں تو ہم نے اسے روکنا ہے اور اسے گرین کرنا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

86