لاہور چیمبر آف کامرس اینڈ انڈسٹری نے پیٹرولیم مصنوعات کی قیمتوں میں اضافے کو مسترد کر دیا

image

لاہور چیمبر آف کامرس اینڈ انڈسٹری نے پیٹرولیم مصنوعات کی قیمتوں میں اضافے کو مسترد کر دیا ہے ۔

تفصیلات کے مطابق چیمبر آف کامرس اینڈ انڈسٹری نے پیٹرولیم مصنوعات کی قیمتوں میں بڑے پیمانے پر اضافے کو مستردکرتے ہوئے حکومت سے یہ فیصلہ واپس لینے کا مطالبہ کیا ہے۔

 لاہور چیمبر کے صدر میاں نعمان کبیر نے کہا کہ اس میں کوئی شک نہیں کہ عالمی منڈی میں تیل کی قیمت بڑھ رہی ہے لیکن صنعت و تجارت اور عوام پر بوجھ ڈالنے کے بجائے حکومت اپنے غیرپیداواری اخراجات میں کمی لاکر خود انہیں برداشت کرے کیونکہ معیشت کے دیگر شعبے اسے برداشت کرنے کے قابل نہیں ہیں۔

پیٹرولیم مصنوعات کی قیمتوں میں اضافہ ہر شعبے کو متاثر کرے گا چاہے وہ تجارت ہو ، برآمدی ، صنعتی یا پھر زرعی شعبہ ، اگرچہ بین الاقوامی منڈی میں تیل کی قیمت بڑھی ہے لیکن حکومت پیٹرولیم مصنوعات پر عائد ڈیوٹیوں اور ٹیکسوں کی شرح کم کرے، اس کے علاوہ غیرترقیاتی اخراجات پر بھی قابو پایا جائے۔

 انہوں نے کہا کہ پیٹرولیم مصنوعات اہم صنعتی خام مال ہیں اور اس قدر بھاری اضافے سے صنعتوں کی پیداواری لاگت بہت زیادہ بڑھ جائے گی جس سے اس کی مسابقت اور برآمدات متاثر ہونگی ، صنعت و تجارت، زراعت اور معیشت کے وسیع تر مفاد میں حکومت پیٹرولیم مصنوعات کی قیمتوں میں اضافہ فوراً واپس لے۔

Adsence 300X250


News Source   News Source Text

WATCH LIVE NEWS

مزید خبریں
خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.