ہماری حکومت کو کم وسیلہ طبقات کی مشکلات اور مسائل کا احساس ہے، وزیر اعلیٰ پنجاب

image

وزیر اعلیٰ پنجاب سردار عثمان بزدار کا کہنا ہے کہ ہماری حکومت کو کم وسیلہ طبقات کی مشکلات اور مسائل کا احساس ہے۔

تفصیلات کے مطابق وزیر اعلیٰ پنجاب سردار عثمان بزدار نے غربت کے خاتمے کے عالمی دن پر پیغام دیتے ہوئے کہا کہ کم وسیلہ لوگوں کا معیار زندگی بلند کرنے کیلئے حکومت نے متعدد پروگرام شروع کیے ہیں، مختلف پروگرامز کے ذریعے کمزور طبقے کی فلاح پر پوری توجہ ہے۔

انہوں نے کہا کہ غربت کا خاتمہ ہماری حکومت کی اولین ترجیح ہے، تیز رفتار صنعتی عمل کے ذریعے روزگار کے زیادہ سے زیادہ مواقع فراہم کر کے غربت میں کمی کی جاسکتی ہے، غربت پر قابو پانے کیلئے معاشی ناہمواریوں کو دور کرنا ضروری ہے۔

عثمان بزدار نے کہا ہے کہ معاشرے میں انتہا پسندانہ رویوں کے خاتمے کیلئے غربت کا سدباب ناگزیر ہے، وسائل کی غیر منصفانہ تقسیم سے معاشی تفاوت میں اضافہ ہوتا ہے، غربت کے خاتمے کیلئے کوششیں صاحب حیثیت افراد کی بھی اخلاقی، قومی اور سماجی ذمہ داری ہے۔

وزیر اعلیٰ پنجاب کا کہنا ہے کہ آج کے دن کا پیغام ہے کہ غربت کے خاتمے کیلئے معاشرے کا ہر فرد اپنا موثر کردار ادا کرے، یہ دن غربت اور محرومی کی زندگی گزارنے والے لوگوں کی مشکلات کو کم کرنے کیلئے اقدامات کرنے کا موقع فراہم کرتا ہے، ہمیں اس امر کا اعادہ کرنا ہے کہ غریب لوگوں کی فلاح وبہبود کے ہر ممکن وسائل بروئے کار لائے جائیں گے۔

Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.