مینیجرایس این جی پی ایل پشاور کاموسم سرما میں گیس کی فراہمی کے لیے ٹھوس اقدامات

image

مینیجرایس این جی پی ایل نے اپنے صارفین کو خاص طور پر موسم سرما کے موسم میں گیس کی مناسب فراہمی کو یقینی بنانے کے لیے کیے گئے ٹھوس اقدامات کے بارے میں بتایا۔

تفصیلات کے مطابق مینیجرایس این جی پی ایل  کا کہنا تھا کہ ایس این جی پی ایل پشاور کے دفاتر میں ایک خصوصی کنٹرول روم قائم کیا گیا ہے جہاں کمپنی کے افسران صارفین کو کسی بھی شکایات کا فوری جواب دینے کے لیے چوبیس گھنٹے دستیاب ہوں گے۔

ایس این جی پی ایل نے پشاور شہر اور چارسدہ میں مالی سال 2020-21 کے دوران 4″ 2″ اور 1″ ڈائی کی کل 77 KM پرانی لیک اور خراب شدہ پائپ لائنوں کو تبدیل کیا جس کی رقم تقریباً 189 ملین روپے ہے تاکہ اپنے صارفین کو گیس فراہمی کو یقینی بنایا جائے۔

انہوں نے بتایا کہ ایس این جی پی ایل مالی سال 2021-22 کے دوران 513 ملین روپے کے 4″2″ اور 1″ ڈائی کے مزید 174 کلومیٹر پرانے لیک اور خراب نیٹ ورک کو تبدیل کر رہا ہے۔

 نیٹ ورک کو پشاور کے علاقوں جیسے، نوتھیا قدیم، نوتھیا جدید، گلبرگ، چارسدہ روڈ، ناصر باغ روڈ، گلبہار، اعجاز آباد، تاج آباد اور پنجگی روڈ میں تبدیل کیا جا رہا ہے۔

پشاور کے مضافاتی علاقوں میں چوری اور غیر قانونی لائینوں کے نیٹ ورک کی وجہ سے کمپنی نقصانات کا شکار ہے۔

مینیجرایس این جی پی ایل  نے بتایا کہ اپنے نیٹ ورک کے 30 کلومیٹر کی بحالی کا پائلٹ پروجیکٹ چلا رہا ہے، جس کا مالیاتی اثر 50 ملین ہے ،جس میں 25,000 گھریلو کنکشن کی فراہمی شامل ہے۔

ان کا کہنا تھا کہ میڈیا کے ذریعے بڑے پیمانے پر صارفین کی آگاہی کیلئے کمپریسرز کے غیر قانونی استعمال کے خلاف مہم شروع کر دی گئی ہے،کمپریسر کا غیر قانونی استعمال کرنے والے صارفین کی گیس سپلائی منقطع کر دی جائے گی۔

 مینیجرایس این جی پی ایل پشاور  کا کہنا تھا کہ ضلع چارسدہ اور خزانہ چارسدہ روڈ پشاور کو گیس فراہم کرنے والے انڈرسائزڈ ٹرانسمیشن نیٹ ورک اور پشاور اور کوہاٹ میں ڈسٹری بیوشن نیٹ ورک کو بڑھانے کے لیے مختلف پراجیکٹس جن کا کل مالیاتی اثر ہے 2.7 بلین ہے پر عملدرآمد کیا جا رہا ہے، 1.5 بلین روپے کی لاگت سے 10″ ڈائی ٹرانسمیشن پائپ لائن زیر تکمیل ہے۔

 کوہاٹ سٹی اور کنٹونمنٹ کے لیے 411 ملین روپے کی لاگت سے 16″ ڈائی آپریشنل فیز بچھایا جا رہا ہے۔

ان کا کہانا تھا کہ  مالی سال 2020-21 کے دوران پشاور شہر میں 12″8″6″ اور 4″ ڈائی کے مختلف آپریشنل مراحل بچھائے اور شروع کیے گئے ہیں جن کی لاگت 700 ملین روپے ہے۔

پشاور شہر کے نیٹ ورک کو مزید بہتر کرنے کے لیے، مالی سال 2021-22 کے دوران 6″ اور 4″ ڈائی کی لائینیں مختلف آپریشنل مراحل بچھائے جارہی ہیں جن کی لاگت 101 ملین ہے۔

مینیجرایس این جی پی ایل پشاور  کا  مزید کہنا تھا کہ آپریشنل مراحل مختلف علاقوں جیسے صفی آباد، وزیر باغ پشاور سٹی، صافی ٹاؤن پشاور سٹی، ناصر باغ روڈ پشاور، نوتھیا چرخہ خیل پشاور، تہکال بالا اور تہکال پایان پشاور، اکیڈمی ٹاؤن پشاور میں رکھے جا رہی ہیں۔

تفصیلات وزیراعلیٰ آفس کے ساتھ بھی شیئر کی گئیں۔

Square Adsence 300X250


News Source   News Source Text

WATCH LIVE NEWS

مزید خبریں
خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.