فلم اور ڈرامے کے معروف اداکار رشید ناز انتقال کر گئے

image
پاکستانی ڈرامے اور فلم انڈسٹری کے معروف اداکار رشید ناز انتقال کر گئے ہیں۔

پیر کی صبح ان کی بہو مدیحہ رضوی نے انسٹاگرام پر انتقال کی خبر شیئر کی۔

رشید ناز کی عمر 73 برس تھی اور انہوں نے 1971 میں ٹی وی ڈرامے سے اپنے کیریئر کا آغاز کیا تھا۔

انہوں نے پاکستان کی مشہور فلم ’خدا کے لیے‘ میں بھی کام کیا جس کو مداحوں نے سراہا۔

رشید ناز نے انڈین فلموں میں بھی اداکاری کی۔ 

رشید ناز سنہ 1948 میں پشاور میں پیدا ہوئے۔ انہوں نے متعدد پشتو، ہندکو اور اردو ڈراموں میں کام کیا۔

    

View this post on Instagram           A post shared by Madiha Rizvi Official (@diyariz)

رشید ناز کا پہلا اردو ڈرامہ ’ایک تھا گاؤں‘ پاکستان ٹیلی ویژن پر نشر کیا گیا۔ ’ناموس‘ ڈرامے میں ان کے کردار کو بے حد پسند کیا گیا۔

سنہ 2015 میں رشید ناز نے انڈین فلم ’بے بی‘ میں اداکار اکشے کمار کے ساتھ کام کیا۔ 

سرکاری ٹی وی کے مطابق رشید ناز کی پہلی پشتو فلم ’زما جنگ‘ جبکہ پہلی اردو فلم ’ڈکیت‘ تھی۔

پاکستان کے سرکاری اور نجی ٹی وی چینلز پر نشر کی گئی میوزک ویڈیو ’عشق محبت اپنا پن‘ میں بھی رشید ناز کے کردار کو شائقین نے سراہا۔


News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.