سعودی عرب کی ابوظہبی ایئرپورٹ پر حملے کی شدید مذمت

image

سعودی عرب نے ابوظہبی ایئرپورٹ پر بزدلانہ دہشت گرد حملے کی شدید  مذمت کی ہے۔

ریاض سے جاری ہونے والے بیان میں سعودی وزارت خارجہ کی جانب سے ابوظہبی ایئرپورٹ حملے کی شدید الفاظ میں مذمت کی گئی اور  متحدہ عرب امارات کی سکیورٹی اور استحکام کو یقینی بنانے کے لیے مکمل تعاون کا اعادہ کیا گیا۔

سعودی وزارت خارجہ نے کہا ہے کہ دہشت گردانہ حملے کی ذمہ داری حوثی باغیوں پر عائد ہوتی ہے اور یہ حملہ خطے اور دنیا کے امن و استحکام کے لیے درپیش خطرے کی نشاندہی کرتا ہے۔

بیان میں مزید کہا گیا کہ سعودی عرب اس بات پرزور دیتا ہے کہ  وہ یمن میں قانونی حکومت کی حمایت کے لیے عرب اتحادی افواج کی قیادت کے ذریعے حوثی ملیشیا کی تمام کوششوں اور دہشت گردی کے طریقوں کا مقابلہ جاری رکھے ہوئے ہے۔

یہ بھی پڑھیں؛ حوثی باغیوں کے ابو ظہبی میں ڈرون حملے، پاکستانی شہری سمیت 3 افراد ہلاک

دوسری جانب ادنوک تیل کمپنی نے بھی ایک بیان میں اپنے تین ملازمین کی موت پر افسوس کا اظہار کیا۔

ادھر حوثی باغیوں کے ترجمان نے دعویٰ کیا ہے کہ انہوں نے متحدہ عرب امارات کے اندر فوجی آپریشن کیا ہے۔

واضح رہے ابو ظہبی پولیس کی جانب جاری بیان میں کہا گیا کہ ادنوک تیل کمپنی کے قریب تین آئل ٹینکروں میں دھماکے کے باعث ایک پاکستانی اور دو انڈین شہری ہلاک ہوئے ہیں جب کہ 6 افراد دھماکے میں زخمی بھی ہوئے جن کی حالت خطرے سے باہر ہے۔

Square Adsence 300X250


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.