کراچی : ثانوی تعلیمی بورڈ کراچی کے چیئرمین سید شرف علی شاہ کی خصوصی ہدایت پر سالانہ امتحانات2022 دہم جماعت سائنس گروپ کے سالانہ امتحانی فارم کی بغیر لیٹ فیس کے جمع کرانے کی تاریخ میں 22مارچ 2022ء تک توسیع کر دی گئی ہے۔ انہوں نے بورڈ سے الحاق اسکولوں کے سربراہان اوروالدین کو ہدایت کی کہ وہ طلباء و طالبات کے امتحانی فارم جلد از جلد جمع کرا دیں۔ تاریخ گزرنے کے بعد نئے شیڈول کے مطابق لیٹ فیس کے ساتھ امتحانی فارم جمع کئے جائیں گے۔ گورنمنٹ اسکول بھی بغیر کسی فیس کے امتحانی فارم اسی شیڈول کے مطابق جمع کرا سکتے ہیں۔