ہر مشہور شخصیت کی زندگی میں ایسے لمحے ضرور آتے ہیں جب وہ اپنی شہرت کی وجہ سے عوام کے سامنے مجبور ہوتا ہے۔ کبھی یہ مجبوری غصے کی صورت میں ضبط کرنی پڑتی ہے اور کبھی اس پر صرف مسکرا کر ہی اکتفا کرنا پڑتا ہے۔ ایسا ہی کچھ ہوا مشہور کرکٹر امام الحق کے ساتھ جنھیں ایک لائیو شو کے دوران ہی ان کی ایک مداح نے رشتے کی پیشکش کر دی جس کے جواب میں امام الحق نے مسکرانے کے ساتھ کیا کہا؟ آئیے دیکھتے ہیں
لڑکی کی حیرت انگیز فرمائش
جیو نیوز سے نشر ہونے والے شو “ہنسنا منع ہے“ میں میزبان تابش ہاشمی، امام الحق سے ہلکے پھلکے سوالات کر ہی رہے تھے کہ تھوڑی دیر میں آڈئینس میں سے ایک لڑکی نے امام الحق سے پوچھا کہ “کیا آپ مجھ سے شادی کر سکتے ہیں؟ پلیز میری بات کا بھرم رکھ لیجیئے گا“
امام الحق اس سوال پر ہنس پڑے اور جواباً انھوں نے کہا کہ “میں کیا کہہ سکتا ہوں اس کے لئے آپ کو میری امی سے ملنا پڑے گا وہی اس بات کا صحیح جواب دے سکتی ہیں“
شو کب نشر ہوگا؟
یہ گفتگو تابش ہاشمی کے شو سے لی گئی ہے جو سوشل میڈیا پر تیزی سے وائرل ہے جبکہ پروگرام کی یہ قسط جمعہ کو 11 بجے نشر کی جائے گی۔