پاکستانی شوبز انڈسٹری کی معروف اداکارہ و فیشن ڈیزائنر نادیہ حسین کی مقبولیت سے ہر کوئی واقف ہے۔
سوشل میڈیا پر متحرک دکھائی دینے والی معروف ماڈل نادیہ حسین حال ہی میں ایک پروگرام میں بطور مہمان مدعو ہوئیں جس میں انہوں نے ماڈلنگ کی شروعات اور کیرئیر میں پیش آنے والی ابتدائیہ مشکلات کا تذکرہ کیا۔
نادیہ حسین نے بتایا کہ وہ ڈینٹسٹ کے شعبے کے ساتھ ماڈلنگ کے شعبے سے وابستہ ہوئیں۔ ان کا کہنا تھا کہ میری فیلڈ ڈینٹسٹ سے ایستھیٹک (حسن پسندانہ) کی ہوگئی ہے جو کہ میری میڈیکل کی فیلڈ سے ملتی جلتی ہے۔
ایک سوال کے جواب میں ماڈل نادیہ حسین نے کہا کہ میں نے پاکٹ منی کے لیے ماڈلنگ کا آغاز کیا تھا۔ کیونکہ میں ڈینٹسٹری تو کر ہی رہی تھی میرا دھیان اسی چیز پر تھا لیکن جب آپ جوان ہوتے ہیں تو آپ کی خواہش ہوتی ہے کہ پاکٹ منی لے تاکہ آپ اس سے چیزیں خرید سکیں۔
انہوں نے کہا کہ اس دوران آپ کے والدین اتنا زیادہ ملوث نہیں ہوتے تو میں نے ماڈلنگ کرنے کا فیصلہ کیا۔
نادیہ حسین نے انٹرویو میں انکشاف کیا کہ ماڈلنگ کرنے سے انہیں پہلا چیک پچیس ہزار کا ملا تھا جو کہ اس وقت ایک بڑی رقم تھی۔
اداکارہ و فیشن ڈیزائنر نے بتایا کہ اس وقت انہوں نے پچیس ہزار روپے بہت انجوئے کیئے اور میرا جو دل چاہا میں نے اس وقت خریدا تھا جس میں میک اپ، کپڑے جوتے وغیرہ شامل تھے۔