گذشتہ سال 2 اکتوبر کو پاکستان کےمعروف کامیڈی کنگ اور اداکار عمر شریف اپنے مداحوں سے بچھڑے جن کی سنہری یادیں آج بھی لوگوں کے دلوں میں زندہ ہیں۔
عمر شریف کے دل کے قریب تو ان کے مداح بستے ہی تھے لیکن ان کی اہلیہ جو عمر شریف کواپنا سب کچھ مانتی ہے آج بھی ان کی یاد میں پیغامات شئیر کرتی رہتی ہیں۔
عمر شریف کی اہلیہ زرین غزل نے آج کے روز اپنے شوہر کے لیے خاص پیغام شئیر کیا ہے جنہیں دیکھ کر لوگ غمزدہ ہوجائیں۔
زرین غزل نے انسٹاگرام اکاؤنٹ پر اپنی اور عمر شریف کی تصویر شئیر کی جس پر پیغام لکھا۔
انہوں نے تصویر پرلکھا کہ جب تک میں زندہ ہوں آپ میرے دل میں رہیں گے۔ اور جب مر گئی تب ہم ساتھ جنت میں رہیں گے آپ کی 70 حوروں کی سردار بن کر۔
خیال رہے اداکار و مزاحیہ فنکار عمر شریف جرمنی کے اسپتال میں انتقال کر گئے تھے جس کے بعد پورا ملک سوگ میں ڈوب گیا تھا۔ ان کی اہلیہ زرین عمر کی یاد میں سوشل میڈیا پر جذباتی پیغامات شئیر کرتی رہتی ہیں۔