بالی ووڈ کے کنگ خان شاہ رخ خان کی پٹھان فلم نے باکس آفس پر تہلکہ مچا دیا ہے۔ لوگ اس فلم کو دیکھنے کے بعد یہ کہتے دکھائی دے رہے ہیں کہ شاہ رخ خان نے ایک بار پھر بالی ووڈ کو ڈوبنے سے بچا لیا ہے۔
پٹھان فلم جہاں دیگر اداکاروں نے جوہر دکھائے وہیں سلمان خان کی انٹری نے بھی فلم میں جان ڈال دی جس کے بعد مداحوں کی دلچسپی میں دگنا اضافہ ہوا۔
صرف یہی نہیں بلکہ اس فلم میں عامر خان کی بہن نے بھی کام کیا جس کے بارے میں لوگوں کو معلوم ہی نہیں ہے۔ پٹھان فلم میں افغان خاتون کا کردار نبھانے والی عامر خان کی بہن نگہت خان ہیں جس میں وہ منفر کردار میں نظر آئیں۔ انہوں نے فلم کے ایک منظر میں اداکاری کی ہے۔
نگہت خان نے ان پرستاروں کا شکریہ ادا کیا جنہوں نے انہیں فلم میں دیکھ کر پہچان لیا تھا۔
نگہت خان فلم میں شاہ رخ خان کا شکریہ ادا کرنے آتی ہیں کیونکہ فلمی منظر کے مطابق کنگ خان ان کے گاؤں کو بڑی مصیبت سے بچا لیتے ہیں۔