پاکستان قومی کرکٹ ٹیم کے کھلاڑی نسیم شاہ اپنی شاندار باؤلنگ کے لیئے تو دنیا بھر میں مشہور ہیں ہی ساتھ ہی وہ اپنے معصومانہ انداز کی وجہ سے بھی پسند کئے جاتے ہیں۔
اس بار بھی قومی کھلاڑی نے اپنی معصومیت سے مداحوں کو ہنسنے پر مجبور کر دیا ہے۔
نسیم شاہ نے گزشتہ روز اپنی انسٹاگرام اسٹوری کے ذریعے مداحوں سے چٹ چیٹ کرنے کے لیئے اپنی ایک تصویر شیئر کرتے ہوئے
Ask me a question
سیشن شروع کیا۔
ان کی یہ اسٹوری دیکھ کر اُن کے لاکھوں مداح اپنے اپنے سوال لے کر اُن کے سوشل میڈیا پر اُمڈ آئے۔
ایک مداح نے ان سے پوچھا کہ آپ اسکول کے زمانے میں کیسے طالب علم تھے؟ جس پر انہوں نے بتایا کہ، "وہ اپنے اسکول کے دور میں نالائق اسٹوڈنٹ تھے۔"
کراچی اور لاہور کے بارے میں پوچھے گئے سوال پر ان کا کہنا تھا کہ، "کراچی اور لاہور میں سے، لاہور کا انتخاب کروں گا۔"
اسکے علاوہ انہوں نے اپنی والدہ کو اپنی رول ماڈل بتایا۔
نسیم شاہ نے ایک مداح کو انسٹاگرام اسٹوری پر آٹوگراف بھی دیا۔
اس دوران اُن کے ایک مداح کا پوچھا کہ، کیا آپ "بی ٹی ایس" کے پاپ گروپ کو جانتے ہیں؟ جس پر نسیم شاہ نے جواب میں لکھا کہ، "ویسے تو مجھے علم نہیں، کہیں یہ 'بیک ٹو اسکول' تو نہیں؟ کیا میں صحیح ہوں؟
نسیم شاہ کا یہ جواب سوشل میڈیا پر وائرل ہو گیا جس پر مداح اُن کے جواب پر ہنس رہے ہیں اور اُن کی لاعلمی کو اُن کی معصومیت قرار دے رہے ہیں۔