احمدآباد: ورلڈ کپ فائنل کے دوران گراؤنڈ میں گُھس آنے والا شخص کون ہے؟

image
انڈیا میں جاری ورلڈ کپ کے فائنل میں انڈیا کی اننگز کے دوران ایک تماشائی اُس وقت گراؤنڈ میں داخل ہوا جب انڈیا کی بیٹنگ جاری تھی اور وراٹ کوہلی بیٹنگ کر رہے تھے۔

اتوار کو احمدآباد کے نریندر مودی سٹیڈیم میں پہلی اننگز کے دوران گراؤنڈ میں گھُس کر وراٹ کوہلی کو گلے لگانے والے کرکٹ تماشائی کا پورا نام جونسن وین اور اُن کو انُ کے دوست جون کے نام سے پکارتے ہیں۔

ٹی وی سکرین پر دُنیا بھر کے شائقین نے دیکھا کہ جون نے جو شرٹ پہنی ہوئی تھی اس پر فلسطین کی حمایت میں جملے درج تھے۔

جون کو گراؤنڈ میں موجود قانون نافذ کرنے والے اداروں کے اہلکاروں نے پکڑا اور سٹیڈیم سے باہر نکال دیا۔

جب انہیں پولیس اہلکار پکڑ کر گراؤنڈ سے باہر لے جا رہے تھے تو صحافیوں نے اُن سے کئی سوالات بھی کیے۔

ایک صحافی نے جون سے پوچھا کہ ’آپ سٹیڈیم میں کیوں داخل ہوئے؟‘ انہوں نے جواب دیا کہ ’میں احتجاج کر رہا تھا۔‘

جون نے مزید کہا کہ ’میرا تعلق آسٹریلیا سے ہے۔ میرا نام جونسن وین ہے اور میرا نِک نیم جون ہے۔‘

#WATCH | Gujarat: The man who breached the security & entered the field during the India vs Australia Final match, says, "My name is John...I am from Australia. I entered (the field) to meet Virat Kohli. I support Palestine..." pic.twitter.com/5vrhkuJRnw

— ANI (@ANI) November 19, 2023

انہوں نے میچ کے دوران گراؤنڈ میں داخل ہونے کی وجہ بتاتے ہوئے کہا کہ ’میں وراٹ کوہلی سے بھی ملنا چاہتا تھا اور میں فلسطین کی حمایت کرتا ہوں۔‘

پولیس کی جانب سے تماشائی کو احمدآباد کے چندکھیڑا پولیس سٹیشن منتقل کردیا گیا ہے۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.