پاکستان سپر لیگ (پی ایس ایل) میں ٹیموں کے درمیان ٹریڈ کا سلسلہ جاری ہے جس کے تحت اگلے برس کے ایڈیشن کے حوالے سے ایک اہم ترین تبادلہ دیکھنے میں آیا ہے۔پی ایس ایل کے اس بڑے ٹریڈ کے تحت کوئٹہ گلیڈی ایٹرز کے سپرسٹار فاسٹ بولر نسیم شاہ اب ابرار احمد اور محمد وسیم جونیئر کے بدلے اسلام آباد یونائیٹڈ کا حصہ بن گئے ہیں۔اس ٹریڈ کے بعد اگلے برس اب محمد وسیم جونیئر اور ابرار احمد اسلام آباد یونائیٹڈ کی بجائے کوئٹہ گلیڈی ایٹرز کی نمائندگی کریں گے۔اسی طرح نسیم شاہ اب پی ایس ایل 9 میں اسلام آباد یونائیٹڈ کی ’ریڈ آرمی‘ کا حصہ بن گئے ہیں۔دونوں ٹیموں کے درمیان اس بڑے ٹریڈ کے بعد کوئٹہ گلیڈی ایٹرز کو اسلام آباد یونائیٹڈ کی پلاٹینم راؤںڈ کی پہلی پِک بھی مل گئی ہے جبکہ اسلام آباد یونائیٹڈ کو کوئٹہ گلیڈی ایٹرز کی پلاٹینم کیٹیگری کی تیسری پِک مل گئی ہے۔
Are YOU charged for the most awaited trade of the season!?!?
Naseem Shah moves to Islamabad United
Abrar Ahmed moves to Quetta Gladiators
Mohammad Wasim Jr moves to Quetta Gladiators #HBLPSLDraft #HBLPSL9 @iNaseemShah @IsbUnited @TeamQuetta pic.twitter.com/IGZFDCt0WL
— PakistanSuperLeague (@thePSLt20) December 2, 2023
دوسری جانب سماجی رابطوں کی ویب سائٹ ایکس (ٹوئٹر) پر دونوں ٹیموں کی جانب سے کھلاڑیوں کو خوش آمدید کہا جا رہا ہے۔نسیم شاہ اپنی ٹویٹ میں کہتے ہیں کہ ’اگلی منزل اسلام آباد ہے۔‘ The next destination is Islamabad! #UnitedWeWin #HBLPSLDraft #HBLPSL9 @IsbUnited pic.twitter.com/u65a8uCYZs
— Naseem Shah (@iNaseemShah) December 2, 2023
اس پر اسلام آباد یونائیٹڈ نے لکھا کہ ’اس کا تھا انتظار، ہیش ٹیگ نسیم دی ڈریم۔‘ Iska tha intezaar!! #NaseemTheDream https://t.co/ODKX0dAmc9
— Islamabad United (@IsbUnited) December 2, 2023
اسلام آباد یونائیٹڈ نے اپنی دوسری ٹویٹ میں لکھا کہ ’اِسلو فیملی میں نسیم شاہ آپ کو خوش آمدید کہتے ہیں۔‘ Welcome @iNaseemShah to the #ISLUFamily! #UnitedWeWin #NaseemTheDream #HBLPSL9 pic.twitter.com/ki5niV3fAD
— Islamabad United (@IsbUnited) December 2, 2023
دوسری جانب کوئٹہ گلیڈی ایٹرز نے اپنی ٹویٹ میں لکھا کہ ’مسٹری سپنر ابرار احمد اور بولنگ آل راؤںڈر وسیم جونیئر نے گلیڈی ایٹرز فیملی جوائن کر لی ہے۔ کوئٹہ گلیڈی ایٹرز اپنے تیز رفتار سنسنی خیز بولر نسیم شاہ کو رخصت کرتا ہے کیونکہ وہ اب اسلام آباد یونائیٹڈ کا حصہ بن گئے ہیں۔ SIGNING ALERT
Mystery spinner #AbrarAhmed & bowling all-rounder @Wasim_Jnr joins the Gladiators family!
Quetta Gladiators bid farewell to pace sensation @iNaseemShah as he moves to Islamabad United !#PurpleForce #HBLPSL9 #HBLPSLDRAFT pic.twitter.com/KktjAlQ1R4
— Quetta Gladiators (@TeamQuetta) December 2, 2023
واضح رہے اس سے قبل پی ایس ایل کی ایک اور بڑی ٹریڈ دیکھنے میں آئی تھی جب کراچی کنگز کے کپتان عماد وسیم اپنی فرنچائز کو چھوڑ کر اسلام آباد یونائیٹڈ کا حصہ بن گئے تھے جبکہ اُن کے تبادلے میں حسن علی یونائیٹڈ کو چھوڑ کر کراچی کنگز کا حصہ بن گئے تھے۔اس کے بعد ملتان سلطانز اور کوئٹہ گلیڈی ایٹرز درمیان بھی تبادلہ دیکھنے میں آیا جس کے بعد ملتان سلطانز کے رائلی رُوسو کوئٹہ گلیڈی ایٹرز کے افتخار احمد کے بدلے گلیڈی ایٹرز کا حصہ بن گئے۔خیال رہے پی ایس ایل کا نواں ایڈیشن ابھی تک کی غیر حتمی اطلاعات کے مطابق اگلے برس 8 فروری سے 24 مارچ کے دوران کھیلا جائے گا۔