اٹلانٹا: امریکی ریاست جارجیا کے ایئرپورٹ پر 2 طیارے ٹکرا گئے۔
غیر ملکی خبر رساں ایجنسی کے مطابق اٹلانٹا ایئرپورٹ کے رن وے پر امریکی ایئرلائن کے 2 طیارے آپس میں ٹکرا گئے۔ ٹوکیو جانے والا طیارہ رن وے پر ٹیکسی کے دوران لوزیانا جانے والے طیارے کے پیچھے سے ٹکرایا۔ جس سے طیارے کا پچھلا حصہ نوے کی ڈگری تک مُڑ گیا۔
ایئر پورٹ حکام کے مطابق ٹوکیو جانے والی پرواز میں 221 مسافر سوار تھے۔
یہ بھی پڑھیں: عمان کا بحری جہازوں کے مسافروں کیلئے 10 روزہ مفت سیاحتی ویزے کا اعلان
طیاروں کے درمیان تصادم میں دوسرے طیارے کے پر کو بھی نقصان پہنچا۔
امریکی ٹرانسپورٹیشن سیفٹی بورڈ کا کہنا ہے کہ حکام کی جانب سے حادثے کی تحقیقات کی جا رہی ہیں۔