ملتان ٹیسٹ ، جوئے روٹ اور ہیری بروک کی شاندار سنچریاں، انگلینڈ کی پوزیشن مستحکم

image

ملتان ٹیسٹ میں پاکستان کے 556 رنز کے جواب میں انگلینڈ کرکٹ ٹیم نے دوسرے روز کھیل کے اختتام پر اپنی پہلی اننگز میں ایک وکٹ کے نقصان پر 96 رنز بنائے۔

تیسرے روز کے کھیل کا آغاز ہوا تو انگلش بیٹر جو روٹ 32 اور زیک کرولی 64 رنز بناکر کریز پر موجود تھے، گزشتہ روز پاکستان کی طرف سے واحد وکٹ فاسٹ باؤلر نسیم شاہ نے انگلش کپتان اولی پوپ کی حاصل کی، وہ بغیر کوئی رنز بنائے آؤٹ ہوئے۔

انگلینڈ کو جلد آؤٹ کرنے کی ہر ممکن کوشش کریں گے، سلمان علی آغا

ملتان ٹیسٹ کے تیسرے دن جب انگلینڈ کا مجموعی اسکور جب 113پر پہنچا تو زیک کرالی شاہین کی گیند پر عامر جمال کے ہاتھوں کیچ آؤٹ ہوگئے انہوں نے 13 چوکوں کی مدد سے 78 رنز بنائے۔

تیسرے دن کے کھانے کے وقفے تک انگلینڈ نے 232 رنز بنائے تھے، انگلینڈ کی تیسری وکٹ 249 کے مجموعی اسکور پر گری، بین ڈکٹ 84 رنز بنا کر عامر جمال کی  گیند پر ایل بی ڈبلیو آئوٹ ہوئے۔

انگلینڈ کی جانب سے جوئے روٹ نے شاندار کھیلتے ہوئے 143 رنز بنا لیے ہیں جبکہ ہیری بروک 101 رنز کے ساتھ ان کا ساتھ دے رہے ہیں۔

انگلینڈ کے تین کھلاڑی آئوٹ ہیں اور اس نے 417  رنز بنا لیے ہیں۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.