بیٹیوں کا سب سے بڑا محافظ ان کا باپ ہوتا ہے جو انہیں سب سے زیادہ محبت دیتا ہے، ان کی رکھوالی کرتا ہے۔ بیٹی کو ذرا سی تکلیف ہو باپ کا دل تڑپ جاتا ہے۔ مرد ہر مشکل سے مشکل گھڑی کا سامنا ہنس مسکرا کر کرلیتا ہے لیکن جب بات اس کی بیٹی کی ہو تو وہ پریشان ہوجاتا ہے۔ خُدا نے باپ اور بیٹی کا رشتہ بنایا ہی اتنا خوبصورت اور نازک ہے جہاں دل ایک دوسرے کے لئے دھڑکتے ہیں۔ جب تک بیٹی کے سر پر باپ کا سایہ ہوتا ہے وہ شہزادیوں جیسی زندگی گزر بسر کرتی ہے۔
بیٹیاں اپنے والد کے ساتھ کہیں گھومنے جائیں یا باہر نکلیں تو باپ بیٹی کی زیادہ حفاظت کرتا ہے کہ کہیں بچیاں کھو نہ جائیں، کوئی انہیں نقصان نہ پہنچائے۔ ایسی ہی ایک ویڈیو مسجدِ بنوی ﷺ سے سوشل میڈیا پر خوب وائرل ہو رہی ہے جس میں دیکھا جا سکتا ہے کہ باپ اپنی بچی کو ایک ہتھکڑی سے تھام کر نمازکی ادائیگی کر رہا ہے تاکہ بچی کہیں کھو نہ جائے۔
اس ویڈیو کو دیکھ کر ہر کوئی باپ بیٹی کے محبت کی تعریف کر رہا ہے کیونکہ یہ حقیقی معنوں میں وہ احسن اقدام ہے جو ہر باپ اپنی بچی کے لئے اٹھاتا ہے۔
ویڈیو میں بیٹی بھی باپ کو دیکھ کر نماز پڑھنے کی کوشش کر رہی ہے جو سوشل میڈیا پر سب سے زیادہ توجہ کا مرکز بن رہی ہے۔