"پیدا ہوتے ہی میری آزمائش شروع ہوگئی. بچے کو گھٹی میں شہد دیا جاتا ہے میری گھٹی میں چیونٹیاں لگی ہوئی تھیں جنھوں نے میرا منہ کھا لیا تھا. وہ دن ہے اور آج کا دن ہے پوری زندگی محنت کر کے گزاری"
یہ کہنا ہے مشہور یوٹیوبر عظمیٰ کا جو اسٹرانگ عظمیٰ کے نام سے اپنا یوٹیوب چینل چلا رہی ہیں. اسٹرانگ عظمیٰ نے حافظ احمد کے پوڈ کاسٹ میں شرکت کے دوران اپنی زندگی کی کہانی سنائی.
ان کا کہنا تھا کہ ان کے پہلے شوہر ایل ایل بی اور ماسٹرز ہونے کے ساتھ حافظ قرآن تھے اور وہ ایک بچے کے بعد چھوڑ کر چلے گئے تھے. بچہ 4 گھنٹے ؛اسپتال میں تھا اور گھر لانے کے پیسے نہیں تھے. شوہر نے گھر بکوا دیا اور سب سے ادھار لے کر انھیں اکیلا چھوڑ دیا بعد میں لوگ مطالبہ کرتے تھے.
عظمیٰ کا کہنا تھا کہ وہ مکمل ان پڑھ تھیں لیکن انھوں نے تعلیم حاصل کی اور اسکالر شپ پر ایم بی اے کیا. دوسری شادی ایسے شخص سے ہوئی جو ان سے 8 برس چھوٹا تھا. انھوں نے اپنے ہاتھ سے ان کی دوسری شادی کروائی لیکن بعد میں وہ ٹوٹ گئیں اور ان کو محسوس ہوا کہ اگر ان کا شوہر انھیں سچے دل سے چاہتا تو کبھی دوسری شادی نہ کرتا.
اسٹرانگ عظمیٰ کا کہنا ہے کہ وہ اللہ سے قریب تر ہوتی گئیں. یوٹیوب سے اب وہ کروڑوں کماتی ہیں لیکن وہ ساری کمائی اپنے جیسی بے بس اور لاچار خواتین کی فلاح و بہبود پر خرچ کرتی ہیں.