"مجھے شوہر نے اس سال تین سے چار بار تشدد کا نشانہ بنایا البتہ میں نے اپنی دوسری شادی بچانے کے لیے بڑی کوشش کی۔ شوہر نے گن پوائنٹ پر تشدد کا نشانہ بنایا اور گھر سے نکال دیا"
یہ کہنا ہے معروف ٹی وی اینکر پرسن عائشہ جہانزیب کا جنھوں نے گزشتہ روز شوہر حارث پر تشدد کا الزام عائد کیا جس کے بعد پولیس نے حارث کو پوچھ تاچھ کے لئے حراست میں لے لیا.
عائشہ جہانزیب نے دعویٰ کیا کہ ان کے شوہر نے خفیہ نکاح کیا ہوا ہے. "مجھے شوہر کے تشدد سے شدید چوٹیں آئی ہیں اور میں قانونی جنگ لڑ رہی ہوں"
عائشہ جہانزیب کی شکایت پر وزیراعلیٰ پنجاب مریم نواز نے واقعہ کا نوٹس لیتے ہوئے انسپکٹر جنرل (آئی جی) پنجاب پولیس سے رپورٹ طلب کر لی۔
مریم نواز نے عائشہ جہانزیب کو بہترین طبی سہولتیں فراہم کرنے کی ہدایت کرتے ہوئے کہا کہ خواتین میری ریڈ لائن ہیں. گھریلو یا ورکنگ وویمن پر کسی قسم کا تشدد برداشت نہیں کیا جائے گا۔
واضح رہے کہ حارث عائشہ جہانزیب کے دوسرے شوہر ہیں ہیں جبکہ ان کے پہلے شوہر جہانزیب کا انتقال ہوچکا ہے۔ عائشہ جہانزیب کئی انٹرویوز میں نے یہ انکشاف کرچکی ہیں کہ ان کے پہلے شوہر کا جوانی میں انتقال ہوگیا تھا جس کے بعد انہوں نے والدہ کی ضد پر اپنے دوست حارث سے دوسری شادی کی۔