"میرے تین بچے ہیں. 2017 میں ایک ٹریفک حادثے میں شوہر معذور ہوگئے جو گھر کے واحد کفیل تھے. ان کی معذوری کے بعد گھر کے معاشی حالات بہت زیادہ خراب ہوگئے۔ اس دوران سسرال اور میکے والوں نے میرا بھرپور ساتھ دیا"
یہ کہنا ہے کراچی سے تعلق رکھنے والی معروف شیف سائرہ الطاف کا جنھوں نے برے وقف میں حوصلہ ہار کر خود کو دوسروں پر بوجھ بنانے کے بجائے اپنے پیروں پر کھڑے ہونے کا فیصلہ کیا.
نجی شو میں اپنی زندگی کی کہانی سناتے ہوئے سائرہ نے کہا کہ "مجھے اچھا نہیں لگتا تھا کہ کسی اور پر اپنے گھر کی ذمہ داری ڈالوں اس لئے کھانا پکانے کے ہنر کو ذریعہ معاش بنانے کا فیصلہ کیا. یہ مشورہ خالہ نے دیا تھا"
سائرہ الطاف نے ساس کی تعریف کرتے ہوئے کہا کہ مجھے کھانا پکانا میری ساس نے سکھایا تھا جو برے وقت میں کام آیا. شروع شروع میں اپنے کزنز کی دکانوں پر کھانا بنا کر رائیڈر کے ذریعے بھیجا کرتی تھی یہ کام کرتے ہوئے چار سال ہوگئے اب کام کافی حد تک بڑھ چکا ہے اور آن لائن آرڈرز بھی ملنا شروع ہوگئے ہیں.
سائرہ الطاف کی کہانی ان تمام لوگوں کے لئے مثال ہے جو اپنے پیروں پر کھڑا ہونا چاہتے ہیں لیکن وسائل نہیں رکھتے.