شہید محترمہ بے نظیر بھٹو اور سابق صدر آصف علی زرداری کی سب سے چھوٹی صاحبزادی آصفہ بھٹو زرداری آج اپنی 30ویں سالگرہ منارہی ہیں۔
3 فروری 1993 کو لندن میں پیدا ہونے والی آصفہ بھٹو بلکل اپنی ماں شہید محترمہ کا عکس ہیں۔
تاہم اب وہ اپنی فیملی کے ساتھ پاکستان میں مقیم ہیں اور اکثر سیاسی سرگرمیوں میں حصہ لیتی نظر آتی ہیں۔
آصفہ نے پاکستان ڈیموکریٹک موومنٹ (پی ڈی ایم) کے ملتان جلسے سے باضابطہ طور پر سیاست میں انٹری لی اور اپنے کریئر کی پہلی سیاسی تقریر سے ہی انھوں نے شہید محترمہ بے نظیر بھٹو کی یاد تازہ کردی تھی۔
آصفہ بھٹو پچھلے کئی برسوں سے مظلوم خواتین کی آواز بن کر سامنے آئی ہیں اور ان کے حقوق کے لئے کام بھی کرتی آرہی ہیں۔
آصفہ بھٹو زرداری کی سالگرہ کے موقع پر چاہنے والوں کی جانب سے مبارک باد کا سلسلہ جاری ہے۔