بہروز سبزواری پاکستان شوبز انڈسٹری سے تعلق رکھنے والے ایک مشہور اور کامیاب اداکار ہیں، جو ڈراموں اور فلموں میں اپنی بہترین اداکاری کی وجہ سے جانے جاتے ہیں۔ اور آج کل اپنے بیٹے شہروز اور بہو صدف کنول کی وجہ سے خبروں میں رہتے ہیں، انٹر ویو وغیرہ میں اکثر ان سے شہروز کی شادیوں اور بہوؤں سے متعلق پوچھا جاتا ہے۔
حآل ہی میں اداکار بہروز سبزواری نے ایک ڈیجیٹل میگزین کے ساتھ اپنے تازہ ترین انٹرویو میں سابق بہو سائرہ یوسف کے ساتھ اپنے تعلقات کے بارے میں کھل کر بات کی، اور دورِ حاضر میں شادیاں ٹوٹنے کی وجہ بھی بتائی۔
بہروز سبزواری سے انٹرویو کے دوران آج کل ناکام ہونے والی شادیوں کی وجوہات کے بارے میں سوال کیا گیا تو انہوں نے اپنی رائے کا اظہار کرتے ہوئے کہا کہ، " میں سمجھتا ہوں آجکل شادیاں اور رشتے ٹوٹنے کی اصل وجہ دکھاوا ہے، لوگ پہلے تو ایک دوسرے کو متاثر کرنے کیلیئے شادی کی مہنگی تقریبات کا انعقاد کرتے ہیں اور ضرورت سے زیادہ پیسہ خرچ کرتے ہیں جسکی ضرورت بھی نہیں ہوتی، اس سے ہوتا یہ ہے کہ سامنے والے کی امیدیں بڑھ جاتی ہیں کیونکہ اسے ایسا لگتا ہے کہ یہی لائف اسٹائل اسے جینا ہے، پر شادی کے چند سالوں بعد چیزیں مختلف ہوجاتی ہیں ایسے میں پھر ایڈجسٹ کرنا مشکل ہوجاتا ہے، اور پھر یہ باتیں رشتہ ختم ہونے کی وجہ بنتی ہیں۔ اور ان چیزوں کو بڑھاوا مارننگ شوز دے رہے ہیں اسے دیکھ کر نوجوان لڑکیوں کی شادی کو لے کے امیدیں بڑھ جاتی ہیں"۔
جب ان سے سائرہ کے ساتھ رشتے کے بارے میں پوچھ گیا تو انھوں نے کہا، "سائرہ میری بیٹی جیسی ہے اگر اُسکی اور شہروز کی آپس میں نہیں بنی تو اس سے ہمارا رشتہ تو خراب نہیں ہوگا، میں تو سائرہ کو کہتا ہوں کہ بیٹا تم بھی اب سیٹل ہوجاؤ اپنا گھر بساؤ اب جب اسے بہتر لگے میں ہمیشہ اسکے ساتھ ہوں اور نورے تو ہماری جان ہے، ہم لوگوں کے آپس میں کوئی اختلافات نہیں ہیں یہ سب سوشل میڈیا کی اپنی کہانیاں ہیں"۔