سابق وفاقی وزیرفردوس عاشق اعوان نے کہا ہے کہ پاکستان کرکٹ ٹیم کے سابق کپتان و اسٹار آل راؤنڈر شعیب ملک کے پاس تو کچھ بھی نہیں تھا، ہم نے شعیب کو شعیب ملک بنایا۔
فردوس عاشق اعوان نے نجی ٹی وی کے پروگرام میں بات چیت کرتے ہوئے کہا کہ شعیب ملک کی شادی پر سونے کا تاج گفٹ کیا تھا۔
انہوں نے بتایا کہ شعیب ملک نے جس کلب سے کرکٹ کیریئر کا آغاز کیا وہ میرے ایک عزیز کا تھا تو انہوں نے ہی شعیب ملک کی کرکٹر بننے میں مدد کی۔
فردوس عاشق اعوان کا کہنا تھا کہ شعیب ملک کے پاس کٹ بھی نہیں ہوا کرتی تھی تو اس وقت میرے عزیز نے اُنہیں کٹ دی پھر اُنہیں کلب لائے، ان کی ٹریننگ اور کوچنگ کروائی اور شعیب کو شعیب ملک بنایا۔
یاد رہے کہ یکم فروری 1982 کو پیدا ہونے والے شعیب ملک نے کرکٹ کا آغاز ایک آف سپنر کی حیثیت سے کیا لیکن جلد ہی اپنے خود کو آل راؤنڈر تسلیم کروایا۔ 2007ء سے 2009ء تک پاکستان کی قومی کرکٹ ٹیم کے کپتان رہے۔
شعیب ملک 13 ستمبر 2017ء کو، پاکستان کے لیے ٹی ٹوئنٹی میں سب سے زیادہ رنز بنانے والے کھلاڑی بن گئے تھے۔ ان کی ایک صلاحیت یہ ہے کہ وہ ہر پوزیشن پر کھیل سکتے ہیں۔