ہمارے یہاں مشکلوں کا رونا رونے والے تو بہت ہیں لیکن ان کا سامنا کرنے اور ان مشکلوں سے کامیابی کے ساتھ باہر نکلنے والے لوگ بہت کم ہیں۔ اور کچھ لوگ ایسے بھی ہوتے ہیں جو یہ سوچتے ہیں کہ جن مشکلات کا سامنا ہم نے کیا ہے دوسرے ے ساتھ ویسا نہ ہو۔ اسی سوچ کو اپناتے ہوئے پاکستان کی اس عظیم بیٹی نے ایک مثال قائم کی ہے، آئیے آپ کو بتاتے ہیں
میری بہن کی شادی غربت کی وجہ سے رکی ہوئی تھی جس کیلئے ابو نے قرض لیا اور انہوں نے ہماری زندگی مشکل کر دی۔ جی ہاں یہ الفاظ قوم کی اس قابل بیٹی کے ہیں جو آج تک 41 لڑکیوں کی شادی کروا چکی ہے۔
اس لڑکی کا نام ہے جنت۔ اپنے نام کی طرح اس نے کئی غریبوں کی زندگی مشکل سے جنت بنا دی۔ یہ کہتی ہیں کہ آج میری عمر 19 سال ہے اور یہ فری میں غریبوں کی بیٹیوں کی شادیوں کا خیال اس وقت آیا۔
جب میری بڑی بہن کی شادی نہیں ہو رہی تھی اور پھر والد نے قرض لے لیا۔ جیسے ہی بہن کو رخصت کیا وہ ہمارے دروزے پر آگئے اور تنگ کرنا شروع کر دیا۔
اسی وجہ سے گھر بھی چھن گیا، سڑکوں پر راتیں گزاریں مگر بابا نے ہمت نہیں ہاری زیادہ محنت کر کے مجھے دوبارہ سے پڑھانا شروع کیا، قرض اتارا اور ہم کرائے کے گھر میں رہنے لگے۔ اور اب میں نے ڈیجیٹل مارکیٹنگ کے مختلف کورسز کیے پھر اپنے محلے کے 2 بچوں کو یہ کام سیکھایا۔ ان کی ترقی دیکھ کر اور بھی بچے میرے پاس آ گئے۔
اور اب دیکھئے کہ انٹرنیٹ پر کام کر کے اور بچوں کو بھی یہ کا سیکھا کر میں نے 2 گھر بنا لیے ہیں۔ اس کے علاوہ اب تک 41 لڑکیوں کی شادیاں کروا چکی ہوں جبکہ 100 اور کروانی ہیں۔ جن بچیوں کی شادیاں کروائیں ان میں مزدور، ریڑھی والا اور بہت سے غریبوں کی بیٹیاں شامل تھیں جن کی ہمیشہ مجھے دعائیں ملتی ہیں جو مجھ کو بہت اچھا لگتا ہے۔
واضح رہے کہ یہ جو کورسز کرواتیں ہیں اس کی ماہانہ فیس 5 ہزار روپے ہیں اور ان کا کہنا ہے کہ 2 ماہ میں یہ اس قدر لڑکے اور لڑکیوں کو سیکھا دیتے ہیں کہ وہ اچھا کمانے لگ جاتے ہیں۔