محبت کو حاصل کرنے کے لیئے انسان کسی بھی حد تک جا سکتا ہے ایسا سننے میں عجیب لگتا ہے لیکن یہ حقیقت کر دکھایا
ایک 22 سالہ بنگلہ دیشی لڑکی نے جو اپنے دوست سے شادی کے لیے دریا میں تیر کر بھارت پہنچ گئی۔ لڑکی سندربن کے جنگل کے راستے سے نکلی، ایک گھنٹے تک مستقل تیر کر اپنے دوست سے پسند کی شادی کرنے کے لیے اِنڈیا داخل ہوئی۔
بنگلہ دیشی خاتون جس کی شناخت 'کرشنا منڈل' کے نام سے ہوئی ہے، اُن کی دوستی ابھیک منڈل سے فیس بک پر ہوئی۔ کرشنا کے پاس پاسپورٹ نہ ہونے کے سبب غیر قانونی طور پر سرحد پار کرنے کا اِنتخاب کیا۔
پولیس ذرائع کے مطابق کرشنا سب سے پہلے سندربن میں داخل ہوئی جو کہ رائل بنگال ٹائیگرز کے لیے جانا جاتا ہے۔ اپنے دوست سے ملنے کی خاطر وہ تقریباً ایک گھنٹے تک دریا میں تیرتی رہی۔
آگے کیا ہوا؟
تین دن قبل کرشنا کی شادی کولکتہ کے کالی گھاٹ مندر میں ابھیک کے ساتھ طے پا گئی۔ تاہم اسے پیر کو غیر قانونی طور پر ملک میں داخل ہونے کے الزام میں گرفتار کیا گیا تھا۔
ذرائع نے بتایا کہ کرشنا کو بنگلہ دیش ہائی کمیشن کے حوالے کیا جا سکتا ہے۔