"گھر واپس جانے سے پہلے میں اپنا انداز بدلنا چاہتی تھی اس لئے بالوں کی رنگت تبدیل کرنے کا سوچا. یہ 7 برس پہلے کی بات ہے. بیوٹیشن نے جو ہئیر ڈائی استعمال کیا تھا وہ کافی معیاری تھا اور اس سے کبھی کسی کو ری ایکشن نہیں ہوا تھا. البتہ میں موت کے منہ میں پہنچ گئی. کئی دن اسپتال میں رہنا پڑا اور چہرہ بھی خراب ہوگیا"
یہ کہنا ہے برطانوی خاتون لورا ویلایا کا جنھوں نے 18 برس کی عمر میں پہلی اور آخری بار ہئیر ڈائی کا استعمال کیا تھا. لورا ویلایا کا کہنا تھا کہ گھر واپس جاتے ہوئے انہیں مسلسل جلن کا سامنا ہوا اور پسینہ بہتا رہا جبکہ اگلی صبح سو کر اٹھیں تو ان کے تکیے میں پیپ پھیلی ہوئی تھی اورسر پر ہر جگہ پیپ بھرے پھوڑے ہوگئے تھے. میرا چہرہ اتنا سوج گیا تھا کہ پہچاننا مشکل ہوگیا تھا اس کے ساتھ گلا اور زبان بھی سوج گئے اور سانس لینا مشکل ہوگیا. جس کے بعد مجھے اسپتال منتقل کیا گیا۔ مجھے 10 دن اسپتال میں رہنا پڑا، جہاں ڈاکٹروں کا کہنا تھا کہ میری زندگی خطرے میں ہے۔
لورا ویلایا کہتی ہیں کہ وہ دوبارہ کبھی بال کالے کروانے کے لئے ڈائی نہیں استعمال کریں گی اس کے علاوہ بہتر ہے کہ ڈائی استعمال کرنے سے پہلے اس کو ہاتھ کے تھوڑے سے حصے پر لگا کر ٹیسٹ کرلیا جائے۔