پاکستانی فاسٹ بولر حارث رؤف اپنی زبردست بولنگ کیلیئے پوری دنیا میں جانے جاتے ہیں، وہ پاکستان کے ابھرتے ہوئے ستارے ہیں جنھوں نے کرکٹ کی دنیا میں اپنی ایک پہچان بنائی ہے۔ اور اب ان کے لاکھوں کروڑوں مداح ہیں۔
حارث رؤف نے 24 دسمبر کو اسلام آباد کے ایک نجی ہوٹل میں اپنی دوست مزنا مسعود کے ساتھ نکاح کیا تھا۔ جس سے کافی لڑکیوں کے دل ٹوٹے۔
حال ہی میں جیو ٹی وی کے پروگرام ہنسنا منع ہے میں حارث نے بطور مہمان شرکت کی تھی جہاں میزبان تابش ہاشمی کے مزاحیہ سوال جواب کا سلسلہ چلا۔
پروگرام میں جب حاضرین کے سوالوں کی باری آئی تو حارث رؤف کے مداحوں نے یکے بعد دیگرے سوالات کرکے انہیں اور جاننے کی کوشش کی۔
ایسے میں حاضرین میں سے ایک نے حارث رؤف سے سوال کیا کہ، آپ نے اتنی جلدی نکاح کرکے مایا علی اور دیگر لڑکیوں کا دل کیوں توڑ دیا؟
مداح کے سوال کا جواب حارث نے دلچسپ انداز میں دیا جس پر سب ہنسنے پر مجبور ہوگئے۔
انہوں نے کہا کہ، "میں ایک ہی شادی کرسکتا تھا، جو میں نے کرلی۔ اب باقی لڑکیاں اپنے دل کہیں اور جوڑ لیں۔"