رشتہ ختم کرنے میں ہمیشہ مرد کا ہاتھ نہیں ہوتا ۔۔ حسن نعمان مدیحہ کو طلاق کیوں نہیں دینا چاہتے تھے؟

پاکستانی مشہور شخصیات پر علیحدگیوں اور طلاقوں کے سیاہ بادل چھائے ہوئے ہیں۔ تمام بڑے مشہور اداکار ایک کے بعد ایک اپنی طلاق کا اعلان کر رہے ہیں جب کہ کچھ ایسے بھی ہیں جن پر لوگوں کو شک ہے لیکن انہوں نے اعلان نہیں کیا۔ حقیقی وبائی مرض کے بعد طلاقوں کی وباء ہے جس نے مداحوں کو یقیناً بہت اداس کر دیا ہے۔

اگرچہ طلاق ایسی چیز نہیں ہے جس کی وجہ سے کسی کا کوئی بڑا نقصان ہو لیکن، شادی کے رشتے پر لوگوں کا اعتماد ضرور خراب ہوا ہے۔ ایسے ہی ایک خوبصورت جوڑے نے علیحدگی اختیار کر لی ہے وہ ہیں مدیحہ رضوی اور حسن نعمان۔

مدیحہ رضوی اور حسن نعمان کی شادی سال 2013 میں ہوئی تھی اور وہ دو بچیوں کے والدین ہیں۔ مدیحہ رضوی نے ابھی اعلان کیا تھا کہ وہ علیحدگی اختیار کر چکے ہیں اور ان کی طلاق طے پا گئی ہے۔

حسن نعمان نے بھی اس معاملے میں اپنا بیان دیا ہے اور ان کا کہنا ہے کہ، میں مدیحہ کو طلاق نہیں دینا چاہتا تھا کیونکہ میں رشتوں پر یقین کرتا ہوں اور اپنی بیٹیوں کیلیئے فکرمند ہوں، لیکن مدیحہ نے اپنا طلاق کا حق استعمال کیا جس کی وجہ سے وہ دونوں الگ ہوگئے۔ انہوں نے یہ بھی کہا کہ وہ بطور مسلمان اس کی حمایت نہیں کر سکتے۔

حسن نے کہا ہے کہ طلاق ہرگز باہمی فیصلہ نہیں تھا اس لیے انہوں نے اپنے حصے کی بات کی ہے۔ ان کے اس بیان پر لوگ ردعمل کا اظہار کر رہے ہیں کیونکہ ظاہر ہے کہ یہ مداحوں کے لیے انتہائی افسوسناک خبر ہے۔