پاکستانی معروف سینئر اداکارہ حنا بیات نے اپنے شوہر کی پہلی برسی کے موقع پر آج انسٹاگرام پر ایک پوسٹ شیئر کی ہے۔ جس میں انہوں نے بتایا ہے کہ آج اُنہیں اپنے شوہر سے بچھڑے ہوئے ایک سال مکمل ہو گیا ہے۔
حنا بیات نے اپنی پوسٹ میں شوہر کے لیئے جذباتی نوٹ لکھتے ہوئے لکھا کہ، "آپ کے بغیر جینا نہیں جانتی تھی، آج ایک سال بعد میرے لیے زندگی کے معنی بدل گئے ہیں، میں زندہ ہوں، سانس لے رہی ہوں، آگے بڑھ رہی ہوں، آخر کار میں سمجھ گئی، میرے لیے آپ کے آخری الفاظ کا کیا مطلب تھا، اللّٰہ ہے ناں۔"
انہوں نے یہ بھی لکھا ہے کہ، آپ کا ایمان اب میری طاقت ہے، میں ہر دن شکر گزاری کے ساتھ جیتی ہوں، اس دن کی امید میں کہ ہم دوبارہ مل جائیں گے، ان شاء اللّٰہ! اُس وقت تک میں آپ کو یاد کرتی رہوں گی، میرا سب سے بڑا نقصان، میری سب سے بڑی نعمت۔
یاد رہے کہ اداکارہ کے شوہر روجر بیات داؤد کینسر سے زندگی کی جنگ لڑنے کے بعد گزشتہ سال انتقال کر گئے تھے۔